Azerbaijan Metal Company LLC — Lead Railway Construction Engineer.

Bu vəzifə yalnız qatarların hərəkətini idarə edən və ya stansiyada növbə çəkən mütəxəssis deyil. Bu şəxs zavodun bütün dəmir yolu sisteminin necə layihələndiriləcəyini, nə qədər yük və vaqon qəbul/göndərməli olduğunu, yolların və manevr sahələrinin necə təşkil olunacağını, sistemin zavodun 5.3 milyon ton gücünə necə uyğunlaşdırılacağını və son nəticədə onun necə istismar ediləcəyini texniki baxımdan idarə edən Lead/Senior səviyyəli mütəxəssisdir.
Mühəndis HBI zavodunun dəmir yolu sisteminin Konsept və “Basic Design” mərhələsindən “Detailed Design”, tikinti, təhvil vermə və kommersiya istismarına qədər bütün layihə dövrünə texniki rəhbərlik edir.
Əsas məqsəd zavodun dəmir yolu infrastrukturunun istehsal, logistika, materialların qəbulu və göndərilməsi sistemləri, materialların daşınması sistemləri və xarici dəmir yolu şəbəkəsi ilə tam inteqrasiyasını təmin etməkdir.
Zavodun ümumi dəmir yolu stansiyası konsepsiyasının hazırlanmasına və texniki yoxlanılmasına rəhbərlik etmək. Buraya dəmir yolu yollarının yerləşmə sxemi, qatarların qəbulu və göndərilməsi yolları, manevr və çeşidləmə yolları, yükləmə-boşaltma sahələri, dəmir yolu tərəzisi, lokomotiv infrastrukturu və xarici dəmir yolu şəbəkəsinə qoşulma daxildir.

CV-nizi bu səhifədəki müraciət forması ilə göndərin. Müraciətdə “Lead Railway Construction Engineer” qeyd edin.